Faroole oo ka Tacsiyeeyay Geeridii ku timid Qunsulka Soomaaliya ee dalka Kenya

Madaxweynaha dowlada Puntland Mudane C/raxamaan Sheekh Maxamed Maxamuud Faroole ayaa ka tacsiyeey geerida naxdinta leh ee ku timid Alle ha u naxariistee Marxuum Maxamad Cismaan Aden (Edson) oo ahaa Qunsulka Safaarada Soomaaliya ee dalka Kenya.

Faroole ayaa sheegay in asagoo ku hadlaya magaciisa iyo magaca dadweynaha iyo dowlada Puntland uu ka tacsiyeenayo geeridii naxadinta laheyd ee ku timid Qunsulka Safaarada Soomaaliya ee dalka Kenya Marxmuum Maxamad Cismaan Aden (Edson) oo ahaa qunsul aad ugu adeega qoxootiga Soomaaliyeed ee ku dac dareysan dalka Kenya.

”waxaan tacsi u dirayaa shacabka Soomaaliyeed meelkastoo ay joogaan gar ahaan qoyskii, ehelladii iyo asxaabtii uu ka geeriyooday Qunsulka Safaarada Soomaaliya ee dalka Kenya Marxuum Maxamad Cismaan Aden (Edson) oo xalay ku geeriyooday magaalada Nairobi ee dalka Kenya” ayuu yiiri Madaxweynaha Dowlada Puntland Faroole.

Madaxweyne Puntland ayaa ilaahay uga baryay Marxuumka inuu alle ka waraabiyo Janadiisa Fardoows. Amiin.. Amiin…Amiiin.